Wichmann

Jens Bøthun var med og prøvekjøyrde motoren i 1925.

Far til Lars Skau kjøpte motoren, og sette han i ein "seksering". Når båten skulle prøvekjøyrast på tur til Buene var Jens Bøthun med som maskinist. Båten tålte motoren dårleg, så ein måtte passa motoren og ein måtte ausa vatn. Dei prøvde så å forlenga båten, for å gjera han meir stabil, men dette vart endå verre. Båten heldt på å rista sund. Motoren vart så dregen på land, og sett i ei løa på Skau, der han vart ståande heilt til Kristian Otterskred kjøpte motoren.