Volda

Svein Svendsen, Ulsteinvik, var fiskar og kjøpte i 1928 ein 50' kuttar frå Vestnes,"Ulstein". Den 2. motoren i båten var ein 45 HK RAPP. I 1945 vart båten stolen av ungdomar som reiste til England. Båten kom attende i 1946. I 1955 vart denne motoren montert ved Volda Mek, samstundes som båten vart forlenga til 64'. I 1961 vart båten parkert og motoren selt tilbake til fabrikken. Svendsen kjøpte ny båt med større Volda-motor i 1962. Fram til 1970 er det ukjent kvar motoren tok vegen. Truleg vart den montert i ei privat bilferje eigd av ein lege,som etter kort tid selde denne til eit ferjesamband, Hellesylt - Geiranger. I 1970 kjøpte Myklebust og Nyheim ferja med denne motoren til sambandet Barme - Barmsund. Namnet Var "Bolsøyferja". I 1976 slutta Nyheim og Røyset kom inn på eigarsida. I 1979 vart fergja skifta ut med "Vetlefjord" frå Fylkesbaatane i Sogn. Bolsøyferja vart seld til Asgeir Solheim som tok at motoren og selde den til Kristian Otterskred.

Motoren vart resturert mellom 2022 og 2024 og vart starta for første gong etter 45 år, sommaren 2024